پاکستان تحریک انصاف کے چیئرمین بیرسٹر گوہر علی خان نے کہا ہے کہ دہشتگردی پر سیاسی سکورنگ یا سیاسی اختلافات کی گنجائش نہیں، ہم تاریخ کے سیاہ اور دل دہلا دینے والی دہشتگردی میں سے ایک کی یاد میں سر جھکاتے ہیں، اس دن معصوم بچوں کو ہم سے چھین لیا گیا تھا، شہدا کے اہلخانہ نے جو درد اٹھایا وہ الفاظ سے باہر ہے، ہم غم، دکھ اور یکجہتی میں ان کیساتھ کھڑے ہیں۔
سانحہ اے پی ایس کی برسی پر اپنے پیغام میں انہوں نے کہا کہ 16 دسمبر کو کبھی فراموش نہیں کیا جائیگا، اس سانحہ نے ہمیں دہشتگردی کے خلاف غیرمتزلزل عزم میں ایک قوم کے طور پر متحد کیا، ان معصوم جانوں اور ان لوگوں کو خراج تحسین پیش کرتے ہیں جو قربانی کیساتھ ملک کی حفاظت جاری رکھے ہوئے ہیں، ہم سب اپنے وطن کو بچانے کیلئے دہشتگردی کیخلاف متحد ہو کر لڑیں گے۔
