وفاقی تحقیقاتی ادارے نے دارالحکومت میں بڑی کارروائی کرتے ہوئے اسلام آباد انٹرنیشنل ائیرپورٹ پر بھائی کے پاسپورٹ پر یورپ جانیوالے مسافر کو آف لوڈ کر دیا۔
ترجمان ایف آئی اے کے مطابق مسافر محمد ارسلان فلائٹ نمبر TK751 کے ذریعے اٹلی جانے کی کوشش کر رہا تھا کہ امیگریشن کلیرنس کے دوران مسافر کو مشکوک پایا گیا، انہوں نے اٹلی جانے کیلئے اپنے بھائی محمد عمران کا پاسپورٹ اور ریذیڈنٹ کارڈ پیش کیا، مسافر کو بعد ازاں مزید کارروائی اور ایجنٹ کی نشاندہی کیلئے اینٹی ہیومن ٹریفکنگ سرکل اسلام آباد منتقل کر دیا گیا۔
