چین کے وسطی صوبہ ہوبے کے شہر ووہان میں چینی کمپنی ای ہاک ٹیکنالوجی کی تیار کردہ عمودی اڑان اور لینڈنگ کرنے والی برقی گاڑی نمائش کے لئے پیش کی گئی۔ یہ 1.2 ٹن وزنی گاڑی زمین پر بہتر حفاظت کے لئے بند روٹرز کے نظام سے لیس ہے۔
ای ہاک ٹیکنالوجی کے چیئرمین کائی شیاؤ ڈونگ نے بتایا کہ صارفین کے لئے اسے حاصل کرنے کے دو طریقے ہیں۔ صارفین اسے براہِ راست خرید سکتے ہیں جس کی متوقع قیمت 20 لاکھ یوآن سے کم ہے یا پھر شیئرنگ ماڈل کے تحت استعمال کر سکتے ہیں۔
انہوں نے کہا کہ مستقبل میں یہ سروس بالکل آن لائن ٹیکسی منگوانے جیسی ہوگی۔ آپ رہائشی علاقوں یا پارکوں میں اپنے موبائل فون کے ذریعے ایک حقیقی "فلائنگ ٹیکسی” طلب کر سکیں گے۔ انہوں نے مزید بتایا کہ رواں برس دو نشستوں والا ماڈل متعارف کرانے کا منصوبہ ہے جو کم بلندی کی لاجسٹکس اور سیاحت کے لئے استعمال ہوگا۔
ووہان، چین سے شِنہوا نیوز ایجنسی کے نمائندوں کی رپورٹ
