چین نے ’ایک ملک دو نظام فریم ورک‘ کے تحت قومی سلامتی کے تحفظ میں ہانگ کانگ کی کوششوں پر حقائق نامہ جاری کردیا

بیجنگ (شِنہوا) چین کی ریاستی کونسل کے دفتر اطلاعات نے ایک حقائق نامہ جاری کیا ہے جس کا عنوان "ہانگ کانگ، ایک ملک، دو نظام کے فریم ورک کے تحت چین کی قومی سلامتی کا تحفظ” ہے۔

دیباچے اور اختتام کے علاوہ 5 حصوں پر مشتمل اس حقائق نامے میں ہانگ کانگ میں قومی سلامتی کے تحفظ کے لئے جاری اور غیر متزلزل جدوجہد کی تفصیل بیان کی گئی ہے اور ہانگ کانگ سے متعلق قومی سلامتی کے امور میں مرکزی حکومت کی بنیادی ذمہ داری کو اجاگر کیا گیا ہے۔

اس میں ہانگ کانگ خصوصی انتظامی علاقے کی جانب سے قومی سلامتی کے تحفظ سے متعلق اپنی آئینی ذمہ داری کی ادائیگی میں حاصل کردہ کامیابیوں، ہانگ کانگ کے انتشار سے استحکام اور خوشحالی کی جانب سفر اور ایک ملک، دو نظام کی پالیسی کے تحت اعلیٰ معیار کی ترقی کے لئے اعلیٰ معیار کی سلامتی کے قیام کی کوششوں کی بھی وضاحت کی گئی ہے۔