متحدہ عرب امارات کے بعد سعودی عرب نے بھی اعلان کیا ہے کہ وہ اپنی سرزمین یافضائی حدود ایران کیخلاف استعمال ہونے کی اجازت نہیں دیگا۔
غیر ملکی میڈیا کے مطابق اس حوالے سے سعودی ولی عہد محمد بن سلمان اور ایرانی صدر مسعود پزشکیان کے درمیان ٹیلیفونک رابطہ ہوا ہے جس میں دونوں رہنماؤں نے خطے کی موجودہ صورتحال پر تبادلہ خیال کیا ہے۔
گفتگو کے دوران سعودی ولی عہد نے واضح کیا کہ سعودی عرب ایران کیخلاف کسی بھی قسم کی جارحیت اور اشتعال انگیزی کو مسترد کرتا ہے اور اپنی سرزمین یا فضائی حدود کو ایران کیخلاف استعمال ہونے کی اجازت نہیں دیگا۔
مسعود پزشکیان نے سعدوی ولی عہد کا شکریہ ادا کرتے ہوئے کہا کہ ایران کیخلاف امریکی دھمکیاں خطے میں عدم استحکام کے سوا کچھ حاصل نہیں کر سکتیں، یہ اقدامات علاقائی سلامتی کو نقصان پہنچانے کے مترادف ہیں۔
دونوں رہنماؤں نے کشیدگی میں کمی اور خطے کے امن و استحکام کی ضرورت پر زور دیا۔
