انٹرنیشنل کرکٹ کونسل (آئی سی سی) اور بنگلادیش کے درمیان کشیدگی مزید بڑھ گئی ہے، آئی سی سی نے بنگلادیشی صحافیوں کو ٹی ٹوئنٹی ورلڈکپ کی کوریج سے روک دیا ہے۔
غیر ملکی میڈیا کے مطابق آئی سی سی نے 100 سے زائد بنگلادیشی صحافیوں کو ایکریڈیشن دینے سے انکار کردیا ہے جس کے باعث وہ ایونٹ کی کوریج کیلئے بھارت اور سری لنکا نہیں جاسکیں گے۔
بنگلا دیش کے سینئر صحافی نے میڈیا سے گفتگو کرتے ہوئے کہا ہے کہ اگر ٹیم نہیں بھی کھیلتی تب بھی آئی سی سی ایسوسی ایٹ ممبرز کے صحافیوں کو ایکریڈیشن جاری کرتا ہے۔
بنگلا دیش کے سپورٹس سے تعلق رکھنے والے صحافیوں کی تنظیموں نے جلد آئندہ کے لائحہ عمل کے اعلان کا فیصلہ کیا ہے۔
دوسری جانب بنگلادیش کرکٹ بورڈ کے میڈیا کمیٹی کے چیئرمین امزاد حسین نے صحافیوں کو ایکریڈیشن نہ ملنے کی تصدیق کر تے ہوئے بتایا کہ بنگلا دیش کے 130سے 150صحافیوں نے ایگریڈیشن کیلئے اپلائی کیا تھا، جہاں تک مجھے معلوم ہے بنگلا دیش کے تمام صحافیوں کے ایگریڈیشن مسترد کر دئیے گئے ہیں۔
 اور بنگلادیش کے درمیان کشیدگی مزید بڑھ گئی ہے، آئی سی سی نے بنگلادیشی صحافیوں کو ٹی ٹوئنٹی ورلڈکپ کی کوریج سے روک دیا ہے۔){kind=link}