آئی ایم ایف نے حکومت پاکستان کی معاشی بہتری کیلئے اٹھائے جانیوالے اقدامات کی تعریف کی ہے۔
ذرائع کے مطابق ڈیوس عالمی اقتصادی فورم میں میڈیا سے گفتگو کرتے ہوئے ایم ڈی آئی ایم ایف کرسٹالینا جارجیوا نے کہا کہ وزیراعظم شہباز شریف نے جب بھی کسی کام کا بیڑہ اٹھایا تو پھر وہ کرکے دکھایا۔
انہوں نے کہا کہ شہباز شریف پاکستان کی بہتری کیلئے مشکل مگر ضروری اصلاحات کو آگے بڑھا رہے ہیں حکومت نے سنجیدگی سے اصلاحات کو اپنایا جس کے ثمرات سامنے آنا شروع ہو گئے۔
انہوں نے کہا کہ بجٹ کے کڑے نظم و ضبط کے نتیجے میں عوام کی بہتری کیلئے وسائل میسر ہورہے ہیں، ہمارا پاکستان کے ساتھ کافی عرصے سے نہایت تعمیری اور مثبت رابطہ رہا ہے۔
