ڈی آئی خان: ڈی آئی خان کے ایک گھر میں ایئر کنڈیشن پھٹنے سے دھماکے کے نتیجے میں ایک شخص جاں بحق ہوگیا۔ تفصیلات کے مطابق ڈی آئی خان کے علاقے گیلانی ٹاؤن کے ایک گھر میں ایئر کنڈیشن پھٹنے سے دھماکے کے نتیجے میں ایک شخص جاں بحق جبکہ چار زخمی ہوگئے۔
حادثے کی اطلاع ملتے ہی پولیس اور ریسکیو حکام موقع پر پہنچ گئے اور جاں بحق شخص کی نعش اور زخمیوں کو ہسپتال منتقل کردیا۔ دوسری جانب پولیس کے مطابق دھماکہ بظاہر گیس لیکج کا لگتا ہے تاہم بم ڈسپوزل یونٹ دھماکے کی جگہ سے شواہد جمع کر رہا ہے۔
