معروف یوٹیوبر و سوشل میڈیا انفلوئنسر رجب بٹ ان دنوں مختلف تنازعات میں گھرے ہوئے ہیں اور لندن سے واپسی کے بعد مذہبی بے حرمتی کیس میں اہم پیشرفت سامنے آئی ہے۔
سیشن عدالت وسطی نے شعائر اسلام کی بے حرمتی کے مقدمہ میں ملزم رجب بٹ کی عبوری ضمانت منظور کرلی۔
کراچی سٹی کورٹ میں سیشن عدالت وسطی کے روبرو شعائر اسلام کی بے حرمتی کرنے کے مقدمہ کی سماعت ہوئی، ملزم رجب بٹ اپنے وکیل میاں علی اشفاق ایڈووکیٹ کیساتھ عدالت میں پیش ہوئے، انکی جانب سے عبوری ضمانت کیلئے درخواست دائر کی گئی، وکیل صفائی نے موقف اختیارکیا کہ ملزم کیخلاف کوئی ثبوت موجود نہیں یہ سی آر پی سی 196 کی خلاف وزری ہے، صوبائی یا وفاقی حکومت کی جانب سے کوئی شکایت نہیں ہوئی، ملزم شامل تفتیش ہوکر تعاون کریگا، عبوری ضمانت منظور کی جائے۔
عدالت نے عبوری ضمانت منظور کرتے ہوئے ملزم کو ایک لاکھ روپے کے مچلکے جمع کرانے کا حکم دیدیا۔
