پاکستان اور لیبیا نے دفاعی تعاون بڑھانے پر اتفاق کرلیا۔
آئی ایس پی آر کی جانب سے جاری بیان کے مطابق چیف آف ڈیفنس فورسز فیلڈ مارشل سید عاصم منیر نے لیبیا کا سرکاری دورہ کیا۔
لیبیا پہنچنے پر فیلڈ مارشل کو گارڈ آف آنر پیش کیا گیا۔ فیلڈ مارشل نے لیبیا کے کمانڈر ان چیف خلیفہ حفتر سے ملاقات کی جس میں انسداد دہشت گردی، صلاحیت سازی اور تربیتی تعاون پر تبادلہ خیال کیا گیا، ملاقات میں علاقائی سلامتی اور باہمی دلچسپی کے امور پر بھی گفتگو ہوئی۔
آئی ایس پی آر کے مطابق لیبی کمانڈر خلیفہ حفتر نے پاک فوج کی پیشہ وارانہ مہارت کو سراہا اور پاکستان کے ساتھ دفاعی تعلقات کو وسعت دینے کی خواہش کا اظہار کیا۔
ترجمان کے مطابق عسکری سربراہان نے دونوں ممالک کے درمیان دفاعی تعاون بڑھانے پر اتفاق کیا ۔
