سینئر وزیر پنجاب حکومت مریم اورنگزیب نے ٹرانسپورٹرز کی ہڑتال ختم کرانے پر مذاکرات میں شریک شرکاء کا شکریہ ادا کرتے ہوئے کہا ہے کہ وزیراعظم شہباز شریف اور وزیراعلی مریم نواز کی رہنمائی و ملک بھر کے ٹرانسپورٹرز کے تعاون سے ٹرانسپورٹ کی ملک گیر ہڑتال ختم ہوگئی ہے۔
سوشل میڈیا سائٹ ایکس پر جاری بیان میں مریم اورنگزیب نے کہا کہ ٹرانسپورٹرز سمیت مذاکرات میں شریک تمام شرکا کا شکریہ جن کی کوششوں سے مسئلہ خوش اسلوبی سے حل ہوا۔
انہوں نے کہا کہ گڈز، منی مزدا، پبلک ٹرانسپورٹ اور سٹاف ڈیوٹی وہیکل کمیٹیوں کے ذریعے ٹرانسپورٹ کے شعبے کو درپیش تمام مسائل کا مستقل حل نکالا جائے گا، حکومت، ٹرانسپورٹرز اور متعلقہ فریقین مل کر شعبے کو جدید، عالمی معیار اور عوامی خدمت کی مثال صنعت بنائیں گے۔
