پاکستان کی خاتون کوہ پیما نے ایکسپلورر گرینڈ سلیم کو مکمل کرنے کی جانب ایک اور قدم بڑھا دیا۔
ذرائع کے مطابق گلگت سے تعلق رکھنے والی ثمینہ بیگ قطب جنوبی پہنچ گئیں وہ یونین گلیشیئر سے سائوتھ پول پہنچی تھیں، اس حوالے سے کوہ پیما کے بھائی مرزا علی نے بتایا کہ انکی بہن ثمینہ نے اپنے سفر کیلئے سکینگ کا روٹ اپنایا جو چیلنجنگ مرحلہ تھا، ثمینہ بیگ نے سائوتھ پول پہنچنے پر پاکستان کا پرچم اور کمیونٹی کا جھنڈا لہرایا، انکی نظریں ایکسپلورر گرینڈ سلیم مکمل کرنے پر ہے اور اس ہدف کیلئے ثمینہ بیگ کو اب صرف قطب شمالی پہنچنا ہے، ایکسپلورر گرینڈ سلیم مکمل کرنے کیلئے سیون سمٹس کیساتھ ساتھ اور نارتھ پول پہنچنا ہوتا ہے۔
ثمینہ بیگ پہلے ہی 7 براعظموں کی 7 بڑی چوٹیاں سر کرکے سیون سمٹ مکمل کرچکی ہیں۔
