پاکستانی شوبز انڈسٹری کی معروف اداکارہ صبا فیصل نے حالیہ متنازع بیانات پر معافی مانگ لی اور اس حوالے سے وضاحت پیش کرتے ہوئے کہا کہ مجھے گونگے اور بہرے نہیں، نظر انداز اور در گزر کے الفاظ استعمال کرنے چاہئے تھے، یہ میری غلطی ہے مجھے معاف کر دیجئے۔
انہوں نے بہو کے کپڑوں سے متعلق بیان پر وضاحت دیتے ہوئے کہا کہ جب تک ایک لڑکی اپنے ماں باپ کے گھر ہوتی ہے وہ وہاں کے خاندانی اقدار اور رکھ رکھائو کے مطابق چلتی ہے لیکن جب یہی لڑکی سسرال جاتی ہے تو اسے وہاں کی اقدار اپنانا ہوتی ہیں، اب اگر ساسیں بہو کو پہلے دن سے ہی انکی اپنی مرضی کرنے دیں تو وہ سسرال کے اقدار نہیں سیکھ سکیں گی، سسرال کے رنگ میں ڈھلنے کیلئے ضروری ہے کہ بہو ساس کی پسند و ناپسند کا خیال رکھیں، میرا کوئی غلط مطلب نہیں تھا اس معاملے پر بعض لوگ شر پھیلا رہیں یہ قابل قبول نہیں ہے، میرے بیان سے جنہیں تکلیف پہنچی ان سے معذرت خواں ہوں۔
