ویزا فری سفر، شہریوں پر ٹیکس، عالمی تصور، دوہری شہریت اور ذاتی آزادی سمیت دیگر عوامل پر دنیا کے 199 ممالک میں سالانہ انڈیکس کی درجہ بندی کی گئی ہے اور پاسپورٹ کی اس عالمی درجہ بندی میں یورپی ملک مالٹا پہلے نمبر پر آگیا ہے جبکہ برطانیہ کا پاسپورٹ 35ویں اور امریکا کا 43 ویں درجے پر ہے۔
درجہ بندی میں یونان، آئرلینڈ اور رومانیہ دوسرے نمبر پر ہیں تینوں ممالک نے مختلف شعبوں میں مضبوط سکور حاصل کیا تھا۔
یونان نے ویزا فری سفر کیلئے سب سے زیادہ نمبر حاصل کئے جبکہ آئرلینڈ تصور اور آزادی کیلئے اور رومانیہ آزادی کیلئے بہترین درجہ بندی میں سرفہرست رہے تینوں ممالک نے دوہری شہریت کی دستیابی کیلئے بھی نمایاں درجہ بندی حاصل کی ہے۔
قبرص سرفہرست پانچ ممالک میں شامل ہے تاہم برطانیہ کینیڈا اور جنوبی کوریا کیساتھ مشترکہ طور پر 35ویں نمبر پر آ گیا ہے جبکہ امریکہ 43 ویں نمبر پر ہے جسے اسکے منفرد شہریت پر مبنی ٹیکس کے نظام کی وجہ سے ڈائون کیا گیا ہے۔
