مشہور بھارتی اداکارہ جیا بھٹاچاریہ نے پہلگام حملے کو بھارت کی سازش قرار دیدیا ہے۔
حال ہی میں سوشل میڈیا پر وائرل ہونیوالی ایک ویڈیو میں اداکارہ نے بھارتی حکومت اور سپریم کورٹ پر سخت تنقید کرتے ہوئے کہا کہ پہلگام حملہ ایک مبینہ سازش تھا۔
اداکارہ نے ویڈیو میں پہلگام حملے کے دوران سکیورٹی میں مبینہ کوتاہی پر بھی شدید ردِعمل دیا اور واقعہ کو ایک منظم سازش قرار دیتے ہوئے حکومت سے جواب طلب کیا۔
اداکارہ نے کہا کہ دہلی میں سڑک کے کتوں کی حمایت میں احتجاج کرنیوالوں کیلئے جتنی سکیورٹی لگائی گئی ہے اگر اتنی ہی سکیورٹی وہاں لگا دی جاتی جہاں لوگوں سے نام پوچھ کر قتل کیا گیا تو وہ اس طرح نہ مارے جاتے یا پھر کیا یہ بھی کسی سازش کا حصہ ہے؟ جواب دیجیے۔
انکا مزید کہنا تھا کہ سپریم کورٹ کے کندھے پر بندوق رکھ کر شکار کیا جا رہا ہے، ہمیں بتائیے حکومت کس کیساتھ کاروبار کر رہی ہے؟۔
ذرائع کے مطابق یہ ویڈیو اگست 2025 کی ہے جو دہلی این سی آر میں آوارہ کتوں کے انتظام سے متعلق عدالتی تنازع کے دوران ریکارڈ کی گئی تھی۔
