کولمبیا میں سکول کے بچوں کو لے جانیوالی بس حادثے کا شکار ہوکر کھائی میں جا گری جس کے نتیجے میں 17 طلبہ ہلاک اور 20 زخمی ہو گئے ہیں، بس کیریبین کے ساحلی شہر ٹولو سے میڈیلین جا رہی تھی، بس میں انٹیوکیانو ہائی سکول کے طلبہ سوار تھے جو سکول کے دورے کے بعد واپس لوٹ رہے تھے۔
صوبہ انٹیوکیا کے گورنر آندریس جولیان نے واقعہ کی تصدیق کرتے ہوئے سوشل میڈیا پلیٹ فارم ایکس پر جاری بیان میں بتایا کہ طلبہ ساحل سمندر پر اپنی گریجویشن کی خوشی منا کر واپس آ رہے تھے، دسمبر کے مہینے میں پیش آنیوالا یہ سانحہ پوری کمیونٹی کیلئے نہایت تکلیف دہ خبر ہے۔
حادثے کے بعد امدادی کارروائیاں جاری رہیں جبکہ زخمیوں کو قریبی ہسپتالوں میں منتقل کر دیا گیا۔
