لاہور : لاہور ہائیکورٹ نے صنم جاوید کو مزید کسی مقدمے میں گرفتار نہ کرنے بارے درخواست پر فریقین سے جواب طلب کرلیا۔ تفصیلات کے مطابق لاہور ہائیکورٹ میں جسٹس شہباز رضوی نے پی ٹی آئی رہنماء صنم جاوید کے والد جاوید اقبال کی بیٹی کو کسی اور مقدمے میں گرفتار نہ کرنے بارے اعتراضی درخواست پر سماعت کی۔
درخواست گزار کی جانب سے ایڈووکیٹ ابوذر سلمان نیازی عدالت میں پیش ہوئے اور موقف اپنایا کہ صنم جاوید پچھلے 400دنوں سے گرفتار ہے جس پر عدالت نے استفسار کیا کہ درخواست صنم جاوید کی جانب سے بذات خود کیوں نہیں دائر کی گئی؟۔
ایڈووکیٹ ابوذر سلمان نیازی نے کہا کہ یہ اتنا آسان کام نہیں ہے، صنم جاوید زیر حراست ہیں، ان کی قید کی جگہ تبدیل ہوتی رہتی ہے، کبھی سرگودھا میں اور کبھی میانوالی میں قید رکھا جاتا ہے۔بعدازاں عدالت نے ملزمہ کی نظر بندی کا آرڈر فراہم کرنے کی ہدایت اور صنم جاوید تک رسائی نہ ہونے پر فریقین سے جواب طلب کرتے ہوئے سماعت (آج) تک ملتوی کردی۔
