معروف اداکار فیصل قریشی نے کہا ہے کہ ڈرامہ کیس نمبر 9 کا مقصد بولڈ مواد دکھانا نہیں بلکہ معاشرے میں موجود تلخ حقائق کو اجاگر کرنا ہے، حقیقت یہ ہے کہ کئی خواتین کو کام کی جگہوں پر ہراسانی کا سامنا ہوتا ہے، ہم نے وہی دکھایا جو معاشرے میں واقعی پیش آ رہا ہے۔
نجی ٹی وی پرو گرام میں گفتگو کرتے ہو ئے انہوں نے کہا کہ ڈرامے میں ہر سوال اور اعتراض کا جواب اگلی قسط میں دیا جاتا ہے، کیس نمبر 9 کا مقصد لوگوں کو آگاہی دینا ہے کہ ایسے حالات سے کیسے بچا جاسکتا ہے اور اگر خدانخواستہ ایسا ہو جائے تو کس طرح نمٹا جائے، نوجوانوں کے لیے یہ ڈرامہ دیکھنا ضروری ہے تاکہ وہ سیکھ سکیں کہ ایسی صورتحال میں کیا کرنا چاہیے۔
واضح رہے فیصل قریشی بشر مومن، میری ذات ذرہ بے نشاں، حیوان، ہک، فرق اور خائی جیسے کامیاب ڈراموں سے شہرت حاصل کر چکے ہیں اور اس وقت وہ اپنے نئے پروجیکٹ کیس نمبر 9 میں ایک منفی کردار کے ذریعے ناظرین کی توجہ کا مرکز بنے ہوئے ہیں۔
