سیکرٹری جنرل پی ٹی آئی سلمان اکرم راجہ نے کہا ہے کہ پارلیمان کو مفلوج ،عدالتی نظام سیاسی حربے کے طور پر استعمال کیا جا رہا ہے۔
لاہور پریس کلب میں پریس کانفرنس کرتے ہوئے سلمان اکرم راجہ نے کہا کہ کامن ویلتھ رپورٹ کے مطابق 90 سے 95 حلقوں میں فارم 45 اور 46 میں بڑا فرق سامنے آیا ہے جس سے ثابت ہوا کہ الیکشن پر حملہ ہوا، ہیرا پھیری برسر اقتدار پارٹی کے حق میں ہوئی ہے۔
انہوں نے کہا کہ ساری دنیا کہہ رہی ہے کہ آئین پر حملہ ہوا ہے جو باعث شرم ہے، آئین میں غیر قانونی ترامیم واپس کرائیں گے، پارلیمان کو بری طرح مفلوج کردیا گیا ہے، عدالتی نظام کو سیاسی حربے کے طور پر استعمال کیا جا رہا ہے۔ انہوں نے کہا کہ عمران خان ڈیل نہیں کریں گے ،سر اٹھا کر واپس آئیں گے،اسمبلی میں کب تک بیٹھنا ہے ، فیصلہ بانی کریں گے
