چین کے شمال مغربی ننگشیا ہوئی خودمختار علاقے کے شہر یِن چھوان میں منعقدہ چھٹی چین-عرب ریاستوں کی نمائش کے دوران مہمان صاف توانائی کے ایک منصوبے کے بارے میں معلومات حاصل کر رہے ہیں۔(شِنہوا)
یِن چھوان(شِنہوا) 7 ویں چین-عرب ریاستوں کی نمائش میں پہلی بار شاہراہ ریشم ای-کامرس اختراع اور ترقی کانفرنس منعقد ہوگی۔ یہ کانفرنس بدھ سے جمعہ تک چین کے شمال مغربی علاقے ننگشیا ہوئی خود مختار خطے کے دارالحکومت یِن چھوان میں ہوگی۔
اس تقریب کا مقصد ڈیجیٹل اقتصادی تعاون کو مزید گہرا کرنا اور باہمی مفید عالمی ای-کامرس مارکیٹ کو فروغ دینا ہے۔ اس میں مختلف سرگرمیاں شامل ہوں گی جیسے کہ شاہراہ ریشم مصنوعات کے لئے براہ راست نشریاتی سیشنز، جن میں 9 ممالک کے 15 غیر ملکی اور 50 سے زائد چینی میزبان حصہ لیں گے۔ اس کے علاوہ صنعتی میل ملاقاتیں اور مقامی صنعتوں کے دورے بھی شامل ہیں۔
اس کانفرنس کا اہتمام ننگشیا کے محکمہ تجارت، یِن چھوان میونسپل حکومت اور چائنہ انٹرنیشنل الیکٹرانک کامرس سنٹر نے مشترکہ طور پر کیا ہے۔ کانفرنس نے مصر، متحدہ عرب امارات اور سعودی عرب سمیت 14 ممالک سے 50 سے زائد غیر ملکی مہمانوں کو راغب کیا ہے۔
یہ بڑی نمائش 28 سے 31 اگست تک یِن چھوان میں جاری رہے گی۔
