راولپنڈی: عمران خان سے بہنوں کی ملاقات نہ کرانے پر پی ٹی آئی نے سی پی او کو پولیس افسران کیخلاف کارروائی کیلئے درخواست جمع کرا دی۔
پی ٹی آئی وکیل تابش فاروق کی جانب سے سی پی او کو ارسال درخواست میں موقف اپنایا گیا ہے کہ بانی پی ٹی آئی کو جیل میں قواعد کے مطابق سہولیات میسر نہیں، ڈاکٹروں سے بھی ملنے نہیں دیا جا رہا، پولیس و جیل حکام ہائیکورٹ کے احکامات کی خلاف ورزی کرکے توہین عدالت کے مرتکب ہو رہے ہیں۔
درخواست میں کہا گیا ہے کہ اے ایس پی اور پولیس افسران و اہلکار بہنوں علیمہ خان، نورین خانم اور ڈاکٹر عظمی کو جیل سے دور ناکوں پر روک کر ہراساں و پریشان کرتے ہیںاور اغوا کرکے سنسان جگہوں پر چھوڑ دیتے ہیں۔
درخواست میں سپرنٹنڈنٹ جیل غفور انجم، اے ایس پی زینب سمیت دیگر پولیس افسران کیخلاف مقدمہ درج کر کے قانونی کارروائی کی استدعاء کی گئی ہے۔
