میکے: آسٹریلیا اور جنوبی افریقا کی کرکٹ ٹیموں کے درمیان تین ایک روزہ بین الاقوامی میچوں پر مشتمل سیریز کا دوسرا میچ (کل) جمعہ کو ہو گا، یہ میچ گریٹ بیریئر ریف ایرینا، میکے میں کھیلا جائے گا۔
ون ڈے سیریز میں میزبان آسٹریلوی ٹیم کی قیادت مایہ ناز آل رائونڈر مچل مارش کریں گے جبکہ جنوبی افریقا کی ٹیم کی قیادت ٹیمبا بووما کریں گے۔
جنوبی افریقا اور آسٹریلیا کی ٹیموں کے درمیان 3 ون ڈے کرکٹ میچوں کی سیریز کا تیسرا اور آخری ون ڈے میچ 24 اگست کو اسی مقام گریٹ بیریئر ریف ایرینا، میکے میں کھیلا جائے گا۔
تینوں ایک روزہ میچز ڈے اینڈ نائٹ ہوں گے اور فلڈ لائٹس کی روشنی میں کھیلے جائیں گے۔ مہمان جنوبی افریقا کی ٹیم کو میزبان کینگروز کے خلاف ون ڈے سیریز میں1-0 کی برتری حاصل ہے۔
