چین کے دارالحکومت بیجنگ میں پیپلز بینک آف چائنہ کے گورنر پان گونگ شینگ 14ویں نیشنل پیپلز کانگریس(این پی سی) کے تیسرے اجلاس کے لئے معیشت کے حوالے سے پریس کانفرنس میں شریک ہیں-(شِنہوا)
بیجنگ(شِنہوا) پیپلزبینک آف چائنہ(پی بی او سی) کے گورنر پان گونگ شینگ اور بینک انڈونیشیا کے گورنر پیری وارجیو نے مقامی کرنسی میں دو طرفہ لین دین کو فروغ دینے کے لئے تعاون کے فریم ورک کے قیام سے متعلق مفاہمت کی یادداشت (ایم او یو) پر دستخط کئے ہیں۔
نیا معاہدہ دونوں مرکزی بینکوں کے درمیان 30 ستمبر 2020 کو دستخط شدہ پچھلے ایم او یو کی توسیع ہے جو صرف کرنٹ اکاؤنٹ ادائیگیوں اور براہ راست سرمایہ کاری تک محدود تھا۔
پی بی او سی کے مطابق دو طرفہ مقامی کرنسیوں میں تصفیہ کے تعاون کے دائرہ کار کو اب سرمائے اور مالیاتی اکاؤنٹس کے ذریعے کئے جانے والے لین دین تک بڑھا دیا جائے گا۔
یہ ایم او یو دو طرفہ تجارت اور سرمایہ کاری میں مقامی کرنسیوں کے استعمال کو فروغ دینے اور دونوں ممالک کی زری اور مالیاتی منڈیوں کے درمیان تعاون کو مضبوط کرنے کے لئے ترتیب دیا گیا ہے۔
