وزیراعظم شہباز شریف نے کوہ پیما نائلہ کیانی کو دنیا کی تیسری بلند ترین چوٹی کنچن جنگا (8650 میٹر)سر کرنے پر مبارکباد پیش کرتے ہوئے کہا ہے کہ پاکستانی کھیلوں کے ہر شعبے میں اپنے ملک کا نام روشن کررہے ہیں۔جاری بیان میں وزیراعظم نے کہا کہ کوہ پیمائی جیسے مشکل کھیل میں پاکستانی خواتین کا ریکارڈ قائم کرنا باعث تقویت ہے۔ واضح رہے کہ نائلہ کیانی مائونٹ ایورسٹ، کے ٹو، نانگا پربت سمیت 8ہزار میٹر سے بلند 12چوٹیاں سر کر چکی ہیں۔
