آئی سی سی چیمپئنز ٹرافی کی ٹرافی ایک بار پھر پاکستان کا دورہ کرے گی۔
ذرائع کے مطابق ورلڈ ٹور کے بعد ٹرافی رواں ماہ کے آخر میں پاکستان آئے گی، ٹرافی کو لاہور لایا جائے گا اور مختلف مقامات پر نمائش ہوگی۔
ذرائع کا کہنا ہے کہ چیمپئنز ٹرافی کو پنجاب کے دیگر شہروں میں بھی لے جانے کا پلان بنایا جا رہا ہے، آئی سی سی اور پی سی بی کا مارکیٹنگ ڈیپارٹمنٹ ٹرافی ٹور کا پلان فائنل کر رہے ہیں۔
واضح رہے کہ چیمپئنر ٹرافی اس سے پہلے نومبر میں پاکستان کے متعدد شہروں کا وزٹ کر چکی ہے، اس ٹور کے دوران اسلام آباد، مری، نتھیا گلی، ٹیکسلا، ایبٹ آباد اور کراچی میں ٹرافی کی نمائش کی جا چکی ہے۔
یاد رہے کہ آئی سی سی چیمپئنز ٹرافی 2025 کا آغاز 19 فروری پاکستان اور یو اے ای میں ہو گا، ٹرافی کا پورے ایونٹ میں پاکستان میں رہنے کا امکان ہے۔
