پنجاب میں شدید دھند کے باعث موٹرویز مختلف مقامات پر ٹریفک کیلئے بند کردی گئیں۔ترجمان ٹریفک پولیس سید عمران احمد کے مطابق دھند کے باعث موٹروے ایم2 لاہور سے کوٹ مومن تک ،موٹروے ایم 3لاہور سے درخانہ اور موٹروے ایم 4پنڈی بھٹیاں سے ملتان تک بند ہیں۔
ترجمان نے کہا ہے کہ موٹرویز کو عوام کی حفاظت اور محفوظ سفر یقینی بنانے کیلئے بند کیا جاتا ہے شہری زیادہ سے زیادہ دن کے اوقات میں سفر کرنے کو ترجیح دیں صبح 10سے شام 6بجے تک دھند کے موسم میں بہترین سفری اوقات ہیں۔ترجمان نے ہدایت کی کہ ڈرائیور حضرات آگے اور پیچھے دھند والی لائٹس کا استعمال کر یں ار غیر ضروری سفر سے گریز کریں ۔ ترجمان سے کہا کہ تیز رفتاری سے پرہیز کیا جائے جبکہ اگلی گاڑی سے مناسب فاصلہ رکھا جائے۔
