پاکستان میں خواتین کی پہلی پروفیشنل ویمنز ایم ایم اے فائٹر انیتا کریم کو ابوظہبی کا ویزا نہیں ملا جس کے باعث وہ مقابلے میں حصہ نہیں لے سکیں گی، انیتا کریم کی 31 جنوری کو ابوظہبی میں ایم ایم اے فائٹ شیڈول تھی۔
دوسری جانب ایونٹ کی انتظامیہ نے انیتا کریم کی جگہ دوسری فائٹر کو مدعو کر لیا ہے۔
انیتا کریم نے ویزہ نہ ملنے پر مایوسی کا اظہار کرتے ہوئے کہا ہے کہ کئی ماہ محنت کی لیکن ویزا مسائل کے باعث فائٹ میں شرکت نہیں کر سکی، تین ہفتے کے اندر میری دوسری فائٹ شیڈول تھی، انہوں نے کہا کہ ویزا جیسے مسائل کھلاڑی کے کیریئر کو نقصان پہنچاتے ہیں، ایتھلیٹکس کے ویزا مسائل کو سنجیدگی سے دیکھنا چاہئے۔
انیتا کریم کے منیجر یاسر مشتاق نے کہا ہے کہ انیتا کریم فائٹ میں حصہ نہیں لے پائیں گی، ایونٹ کی انتظامیہ نے انیتا کریم کو ویزا سے متعلق ڈیڈ لائن دی تھی اور ڈیڈ لائن سے قبل انیتا کریم کو ویزا جاری نہیں ہوا، ایونٹ انتظامیہ نے ایک ہفتہ انیتا کریم کے ویزے کیلئے انتظار کیا۔
انکا کہنا تھا کہ محسن نقوی انیتا کریم کا ویزا مسئلہ حل کرائیں تاکہ پہلی پاکستانی خاتون ایم ایم اے فائٹر کا کیریئر محفوظ رہے۔
