خیبر پختونخوا حکومت نے 4 اضلاع میں معدنیات نکالنے پر پابندی عائد کردی۔
جاری اعلامئے کے مطابق صوابی، نوشہرہ، کوہاٹ اور کرک کی حدود میں دریائے سندھ اور دریائے کابل کے کناروں پر سونے کی کان کنی اور معدنیات نکالنے پر پابندی عائد کی گئی ہے۔
اعلامئے کے مطابق ضلعی انتظامیہ اور پولیس حکم کے نفاذ کیلئے تمام ضروری وقانونی اقدامات اٹھانے کے مجاز ہوں گے، کسی بھی مشینری، گاڑیوں، اوزاروں، آلات یا اس کے مواد کو ضبط کیا جاسکے گا۔
