غزہ میں فلسطینیوں کی نسل کشی میں بھارتی ٹاٹا گروپ کی جانب سے اسرائیل کی معاونت کئے جانے کا انکشاف ہوا ہے۔
غیر ملکی میڈیا کے مطابق امریکی شہر نیو یارک میں قائم جنوبی ایشائی ادارے سلام نے 59 صفحات مشتمل جاری رپورٹ میں بھارت اسرائیل گٹھ جوڑ بے نقاب کیا ہے۔
رپورٹ کے مطابق بھارتی ادارے ٹاٹا کمپنی وذیلی ادارے ٹاٹا ایڈوانسڈ سسٹمز نے اسرائیل کیلئے نئے ایف 16طیاروں اور اپاچی گن شپ ہیلی کاپٹرز کیلئے اہم حصے مہیا کئے جنہوں نے غزہ بمباری میں اہم کردار ادا کیا۔
رپورٹ کے مطابق یہی ادارہ ٹی ایس ایل اسرائیلی ایرو اسپیس انڈسٹری کیلئے براک 8 میزائل سسٹم کا کمانڈ اینڈ کنٹرول سسٹم بھی بناتا ہے، بھارتی کاروباری گروپ غزہ گشت میں استعمال ہونیوالی اسرائیلی فوجی گاڑیوں کے بنیادی حصے بھی تیار کرتا ہے۔
رپورٹ کے مطابق ٹاٹا گروپ نے غزہ نسل کشی کیلئے ڈرون، گولہ بارود اور اپنے مزدور تک اسرائیل کو فراہم کئے ہیں۔
