امریکی انتظامیہ نے کشیدگی میں اضافے کے سبب سب سے بڑے طیارہ بردارہ جہاز یو ایس ایس جیرالڈ آر فورڈ کو وینزویلا کے قریب تعینات کرنے کا فیصلہ کرلیا۔
غیر ملکی میڈیا کے مطابق امریکی فوجی ترجمان نے بتایا ہے کہ امریکی وزیر دفاع پیٹ ہیگسیتھ نے امریکی بحریہ کے سب سے بڑے طیارہ بردار جہاز اور 5 تباہ کن جہازوں پر مشتمل امریکی حملہ آور بیڑے کی وینز ویلا کے قریب تعیناتی کا حکم دیا ہے۔
ترجمان پینٹاگان شان پانیل نے بتایا کہ قومی دفاع و سلامتی کی خاطر امریکی جنوبی کمانڈ نے خطے میں اپنی صلاحیتوں میں اضافے، نگرانی و غیرقانونی حرکات و سکنات روکنے کیلئے یہ فیصلہ کیا ہے۔
میڈیا رپورٹس کے مطابق اس وقت بھی 6 ہزار امریکی سیلرز اور میرین خطے میں موجود ہیں، امریکی طیارہ بردار جہاز اور 5 تباہ کن جہازوں کی تعیناتی سے اس میں 4 ہزار 500 اہلکاروں کا مزید اضافہ ہوجائیگا۔
