امریکی ریاست کیلیفورنیا کی اورینج کاؤنٹی کے اناہیم کنونشن سنٹر میں نیشنل ایسوسی ایشن آف میوزک مرچنٹس شو میں ایک شخص چینی آلہ ایرہو بجا رہا ہے-(شِنہوا)
لاس اینجلس(شِنہوا) اس ہفتے جنوبی کیلیفورنیا میں ہونے والی موسیقی کی مشہور شو میں چینی موسیقی کے برانڈز کی بھرپور موجودگی نے عالمی صارفین اور ڈیلرز کی توجہ اور رغبت حاصل کی۔
موسیقی کی صنعت کا دنیا کا سب سے بڑا کاروباری شو، نیشنل ایسوسی ایشن آف میوزک مرچنٹس(این اے ایم ایم) شو 2025 جنوبی کیلیفورنیا کی اورینج کاؤنٹی کے اناہیم کنونشن سنٹر میں منعقد ہوا۔
شو میں موسیقی،آواز اور تفریحی شعبوں کے جدید آلات اور ٹیکنالوجیز پیش کی گئیں۔
تقریباً 190 چینی نمائش کنندگان سمیت دنیا بھر سے 3 ہزار 500 سے زائد موسیقی کی صنعت کے برانڈز شو میں شامل ہوئے۔
چینی کمپنیاں حالیہ برسوں میں اس سالانہ شو میں اپنی جدید موسیقی،آواز ، تفریحی مصنوعات اور ٹیکنالوجیز پیش کرتے ہوئے اہم قوت رہی ہیں۔
اس سال چینی نمائش کنندگان نے شو میں بڑی تعداد میں نئی مصنوعات متعارف کرائیں جن میں صوتی گٹار،الیکٹرک گٹار،ڈرم سیٹ،سیکسو فون،وائیلن،مائیکر فون اور سپیکر شامل ہیں۔
امریکی ریاست کیلیفورنیا کی اورینج کاؤنٹی کے اناہیم کنونشن سنٹر میں نیشنل ایسوسی ایشن آف میوزک مرچنٹس(این اے ایم ایم) شو 2025 کے دوران لوگ چین کے جنوبی صوبے گوانگ ڈونگ میں قائم موسیقی کمپنی ڈونر کے نمائشی حصے میں موسیقی کے آلات بجا رہے ہیں-(شِنہوا)
یونیورسٹی آف ساؤتھ کیلیفورنیا کی انسٹرکٹر ہیلین میری اینڈرسن نے موسیقی کے آلات تیار کرنے والے سرکردہ چینی کارخانے شنگھائی نمبر ایک نیشنل میوزیکل انسٹرومنٹس فیکٹری کے بوتھ پر روایتی چینی آلہ گوژینگ بجایا۔
کمپنی نے شو میں گوژینگ،ایرہو،پیپا،ژونگ روان اور یانگ چھن سمیت موسیقی کے اپنے جدید آلات پیش کئے۔
ان چینی آلات نے شو کے حاضرین کی بھرپور توجہ حاصل کی۔
امریکی ریاست کیلیفورنیا کی اورنج کاؤنٹی کے اناہیم کنونشن سنٹر میں نیشنل ایسوسی ایشن آف میوزک مرچنٹس(این اے ایم ایم) شو 2025 کے دوران لوگ چین کے جنوبی صوبے گوانگ ڈونگ میں قائم موسیقی کمپنی ڈونر کے نمائشی حصے میں موسیقی کے آلات بجا رہے ہیں-(شِنہوا)
2025 کا این اے ایم ایم شو ہفتے تک جاری رہےگا۔
