سینئر وزیر پنجاب حکومت مریم اورنگزیب نے کہا ہے کہ سموگ کی وجہ سے کاروبار زندگی شدید متاثر ہوسکتا ہے، نمٹنے کیلئے عملی اقدامات کر رہے ہیں۔
کنیئرڈ کالج لاہور میں خطاب کرتے ہوئے مریم اورنگزیب نے کہا کہ عوام کے تعاون کے بغیر فضائی آلودگی پر قابو نہیں پایا جاسکتا، ہمیں اسموگ کی وجوہات کا خاتمہ کرنا اور اپنی فضا کو صاف ستھرا رکھنا ہوگا، سموگ کی وجہ سے کاروبار زندگی شدید متاثر ہوسکتا ہے، نمٹنے کیلئے عملی اقدامات کررہے ہیں۔
انہوں نے کہا کہ پنجاب حکومت نے صاف ماحول کیلئے آگاہی مہم بھی شروع کی ہے، ایئر کوالٹی انڈیکس میں بہتری کیلئے اقدامات کئے گئے ہیں،پنجاب کی تاریخ میں پہلی بار پلاسٹک بیگ کے استعمال پر پابندی عائد کی گئی ہے۔
انہوں نے کہا کہ اینٹوں کے بھٹوں کو زگ زیگ ٹیکنالوجی پر منتقل کیا گیا ہے، کسی بھی قسم کی خلاف ورزی کی اطلاع کیلئے ہیلپ لائن بھی کام کررہی ہے۔
