وزیر اعلیٰ بلوچستان سرفراز بگٹی نے کہا ہے کہ دہشت گردوں کا بلوچستان سے کوئی تعلق نہیں، مِسِنگ پرسن پر تحریک چلانے والے مِسنگ پرسن کی کوئی بات تقریروں میں نہیں کرتے، لاپتہ افراد پر سیاست کرنے والوں کو بلوچستان کی پسماندگی میں فائدہ ہے۔
سپریم کورٹ بار ایسوسی ایشن کے زیرِ اہتمام کانفرنس سے خطاب کے دوران انہوں نے کہا کہ بلوچستان میں علیحدگی پسند دہشت گردوں کو آج بھی افغانستان کی سرپرستی حاصل ہے۔
سرفراز بگٹی نے کہا کہ 2016 تک بلوچستان زیادہ تر پرامن تھا، بلوچستان میں جن لوگوں کو 2018 میں چھوڑا گیا انہوں نے دوبارہ دہشت گردوں کو جوائن کیا۔
