وفاقی دارالحکومت اسلام آباد سمیت ملک کے مختلف شہروں میں 4.2 شدت زلزلے کے جھٹکے محسوس کئے گئے جس سے عوام خوف و ہراس کا شکار ہوگئے۔
زلزلہ پیما مرکز کے مطابق ہفتے کی صبح 9 بج کر 37 منٹ پر اسلام آباد، اٹک، حسن ابدال، کامرہ، کھاریاں، حضرو و گرد و نواح میں زلزلے کے جھٹکے محسوس کئے گئے جس کا مرکز تربیلا سے 50 کلو میٹر جنوب مغرب تھا، جبکہ گہرائی 15 کلومیٹر زیر زمین ریکارڈ کی گئی ہے۔
ذرائع کے مطابق زلزلے کے باعث عوام خوف و ہراس کا شکار ہو کر کلمہ طیبہ کا ورد کرتے گھروں سے باہر نکل آئے، حکام کے مطابق زلزلے سے کسی جانی و مالی نقصان کی اطلاع موصول نہیں ہوئی۔
