باغبانپورہ پولیس نے خواتین کیساتھ نازیبا حرکات کرنیوالا اوباش گرفتار کرلیا۔
ترجمان کے مطابق خاتون کی جانب سے 15 پر کال موصول ہونے پر ایس پی کینٹ اخلاق اللہ تارڑ نے ایس ایچ او باغبانپورہ رضوان خان کی سربراہی میں فوری ٹیم تشکیل دی جس نے اوباش ملزم کو ٹریس کر کے گرفتار کیا۔
ترجمان کے مطابق اوباش ملزم گلی میں گھر کے باہر جھاڑو لگاتی خاتون کیساتھ نازیبا حرکات کے بعد موقع سے فرار ہو گیا تھا، ملزم کو سی سی ٹی وی فوٹیج میں خاتون کیساتھ نازیبا حرکات کرتے ہوئے دیکھا جا سکتا ہے۔
ترجمان کے مطابق ملزم کی شناخت حمزہ کے نام سے ہوئی ہے جس کیخلاف قانونی کارروائی شروع کردی گئی ہے۔
