کچے کے مختلف علاقوں میں سندھ اور پنجاب پولیس کے آپریشنز کے دوران 44 خطرناک ڈاکوئوں نے ہتھیار ڈال کر خود کو سرنڈر کر دیا ہے۔
پولیس حکام کے مطابق کچے ماچھکہ میں کوش گینگ، سکھانی گینگ اور لونڈ گینگ جبکہ رونتی کے علاقے میں شر گینگ اور اندھڑ گینگ کیخلاف آپریشن کے دوران 44 ڈاکوئوں نے ہتھیار ڈال کر خود کو قانون کے مطابق حوالے کردیا، سرنڈر کرنیوالے ڈاکو اغوا برائے تاوان، ڈکیتی اور پولیس پر حملوں سمیت متعدد سنگین مقدمات میں مطلوب تھے۔
کارروائیوں کے دوران 40سے زائد ڈاکوئوں کے سہولت کاروں کو بھی گرفتار کیا گیا ہے۔
ڈی پی او کے مطابق کچے کے علاقوں میں ڈرون کارروائیاں مسلسل جاری ہیں، آپریشن کے دوران تھرمل کیمروں، ڈرون سرویلنس، لانگ رینج اسلحہ اور بکتر بند گاڑیوں کا استعمال کیا جا رہا ہے۔
ڈی پی او کے مطابق سرنڈر ہونے والے ملزمان کو سنگین نوعیت کے مقدمات کیلئے عدالت سے رجوع کرنا پڑے گا۔
انہوں نے کہا کہ ڈاکوئوں کے مکمل خاتمے اور کچے کے علاقے میں پائیدار امن کے قیام تک کارروائیاں تعطل جاری رہیں گی۔
