بھارتی انڈسٹری کی معروف کامیڈین بھارتی سنگھ کو فلم دھریندر سے شہرت حاصل کرنیوالی اداکارہ عائشہ خان کے قد کاٹھ پر متنازع تبصرہ مہنگا پڑگیا اور سخت تنقید کی زد میں آگئیں۔
اداکارہ فلم کس کس کو پیار کروں 2 کی ٹیم فلم کی پرموشن کیلئے کامیڈی شو لافر شیفس سیزن 3 کے سیٹ پر پہنچی، اس موقع پر شو کی میزبان کامیڈین بھارتی سنگھ نے عائشہ خان کے قد کاٹھ پر تبصرہ کیا جسے کئی ناظرین نے نامناسب قرار دیا، بھارتی سنگھ نے انکا موازنہ کامیڈین کرشنا ابھیشک سے کرتے ہوئے انکے قد و قامت کو مردانہ قرار دیا جسکے بعد عائشہ خان واضح طور پر غیر آرام دہ محسوس کرتی نظر آئیں اور فورا کپِل شرما کی جانب بڑھ گئیں، صورتحال کی نزاکت کو محسوس کرتے ہوئے کپِل شرما نے بھارتی سنگھ سے سوال کیا کہ آپ نے یہ تعریف کی ہے یا آپکے ذہن میں کچھ اور چل رہا ہے، گلاٹی نے بھی معاملہ میں مداخلت کرتے ہوئے کہا ایسا کہنا درست نہیں تھا، بعد ازاں بھارتی سنگھ نے کہا چونکہ وہ حاملہ ہیں اس وجہ سے کچھ بھی کہہ جاتی ہیں، واقعے کی ویڈیو سوشل میڈیا پر وائرل ہونے کے بعد صارفین کی جانب سے شدید ردعمل سامنے آیا ہے، کئی سوشل میڈیا صارفین نے بھارتی کے تبصرے کو غیر مہذب اور لمبے قد کی خواتین کی توہین قرار دیا ہے جبکہ کچھ صارفین نے کہا عائشہ خان کا قد و قامت ویسا بھی نہیں جیسا بیان کیا گیا۔
