لاہور: لاہور ٹریفک پولیس نے ای چالان سے بچنے کیلئے نمبر پلیٹوں کیساتھ چھیڑ چھاڑ کرنیوالو ں کیخلاف کریک ڈاؤن کا فیصلہ کرلیا۔ تفصیلات کے مطابق میڈیا سے گفتگو کرتے ہوئے سی ٹی او لاہور عمارہ اطہر نے کہا کہ اپلائیڈ فار، غیرنمونہ، بوگس، نمبر واضح نہ لگانے اور نمبر پلیٹوں سے چھی چھاڑ کرنیوالوں کیخلاف فکریک ڈاؤن کا فیصلہ کیا گیا ہے۔
انہوں نے کہا کہ کئی شہری ای چالان سے بچنے کیلئے نمبر پلیٹس پر سیاہ پیپر لگا لیتے ہیں، جرائم پیشہ افراد شناخت چھپانے کیلئے جعلی، اپلائیڈ فار گاڑیوں کا استعمال کرتے ہیں۔انہوں نے کہا کہ نمبر پلیٹس پر ٹیمپرنگ، جعلی اور واضح نمبر نہ ہونے پر کوئی عذر قابل قبول نہیں ہوگا، موٹرسائیکل اور گاڑی پر فینسی نمبر پلیٹس لگانے کی بھی اجازت نہیں دی جائیگی۔
