پنجاب میں صرف کام نہیں، معجزات ہو رہے ہیں، عظمیٰ بخاری

پنجاب کی وزیر اطلاعات عظمیٰ بخاری نے کہا ہے کہ پنجاب میں صرف کام نہیں بلکہ معجزات ہو رہے ہیں، پنجاب میں امتحانی نظام باقی صوبوں سے بہتر ہے، پنجاب میں پورا پورا امتحانی سنٹر نہیں بکتا، وزیراعلیٰ مریم نواز کی جانب سے اے پی ایس کے شہدا کو خراج تحسین عقیدت کرتے ہیں، پاکستان کی تاریخ میں 16 دسمبر 2014 کا دن بھلایا نہیں جاسکتا، خیبرپختونخوا میں اب بھی دہشتگردی کی لہر چل رہی ہے، افواج پاکستان دہشتگردی کیخلاف جنگ لڑرہی ہیں، اے پی ایس کے شہدا کیلئے دلی دعائیں کرتے ہیں۔

عظمی بخاری نے کہا کہ وزیراعلیٰ مریم نواز نے گورننس، شفافیت اور میرٹ کا نیا ماڈل متعارف کرایا، برمنگھم میں گورنمنٹ وزیراعلیٰ کا گورننس ماڈل لاگو کرنا چاہتی ہے، دنیا میں وزیراعلیٰ مریم نواز کے پنجاب کی مثالیں دی جارہی ہیں، روالپنڈی میں دوسرے آئی ٹی سٹی بنانے کی منظوری دیدی گئی، پہلا آئی ٹی سٹی لاہور میں بن رہا ہے، گوجرانوالہ میں نیا کارڈیالوجی ہسپتال بننے جارہا ہے، وزیراعلیٰ نے 720 محنت کشوں کے فلیٹس کی قرعہ اندازی کی ہے، جلد محنت کشوں کو فلیٹس کی چابیاں دی جائیں گی، مزید 1872 فلیٹس 18 ماہ میں مکمل ہونگے، بیوائوں اور خصوصی افراد کو بغیر قرعہ اندازی کے فلیٹس دیئے گئے ہیں، پنجاب نے گندم کی پیداوار میں نیا ریکارڈ بنایا ہے اور ٹارگٹ پورا کیا ہے، پنجاب میں صرف کام نہیں بلکہ معجزات ہورہے ہیں۔

صوبائی وزیر زراعت عاشق حسین کرمانی نے کہا کہ یوریا کھاد آج بلیک میں فروخت نہیں ہورہی، پنجاب کی ضرورت 1 کروڑ 40 لاکھ ایکڑ گندم پر پوری ہوجاتی ہے، پنجاب دوسرے صوبوں کو گندم دیتا ہے، دوسرے صوبے اپنا گندم کا ٹارگٹ پورا نہیں کر پا رہے، اس بار مونجھی کی باقیات 70 فیصد کم جلی ہیں، جب ہم آئے تو پنجاب میں صرف 300 سپر سیڈرز تھے آج 5 ہزار 300 سپر سیڈرز ہیں، اگلے سال پنجاب میں 10 ہزار سے زائد سپر سیڈرز ہونگے، لوگ دعویٰ کرتے تھے پنجاب میں گندم کا ایک ایکڑ نہیں ملے گا، پنجاب میں ایک کروڑ 67 لاکھ ایکڑ پر گندم کاشت کی گئی ہم 10 لاکھ کاشتکاروں کو ڈھائی سو ارب روپے کسان کارڈ کی صورت میں دے چکے ہیں۔