قومی اسمبلی میں اپوزیشن لیڈر محمود خان اچکزئی سے سیاسی قیادت نے ٹیلیفونک رابطے کئے ہیں۔
ترجمان اپوزیشن اتحاد تحریک تحفظ آئین پاکستان نے کہا کہ سابق گورنر بلوچستان ظہور آغا، سابق گورنر خیبر پختونخوا غلام علی نے محمود اچکزئی سے رابطہ کیا ہے، پیپلز پارٹی کے سینئر رہنما بیرسٹر اعتزاز احسن اور پی ٹی آئی چیئرمین بیرسٹر گوہر نے بھی ٹیلیفونک رابطہ کیا۔
ترجمان اپوزیشن اتحاد کے مطابق سیاسی قیادت نے محمود اچکزئی کو اپوزیشن لیڈر نامزد ہونے پر مبارکباد دی اور خیر سگالی کے جذبات کا اظہار کیا۔
