سابق امریکی صدر بل کلنٹن نے صدارتی انتخابات میں ووٹرز کے باہر نہ نکلنے پرکملا ہیرس کے ہارنے کا خدشہ ظاہر کر دیا۔غیر ملکی میڈیا کے مطابق جارجیا میں خطاب کرتے ہوئے سابق امریکی صدر بل کلنٹن نے کہا ہے کہ کملا ہیریس کا معاشی پلان ڈونلڈ ٹرمپ سے بہتر ہے، ممکن ہے یہ ریاست پورے الیکشن کے نتائج کو طے کر دے۔انہوں نے کہا کہ 7ریاستیں ایسی ہیں جہاں انتہائی کانٹے کا مقابلہ ہے۔ انہوں نے کہا کہ ہم تمام ریاستیں ہار سکتے ہیں اور جیت بھی سکتے ہیں۔ووٹرز کے باہر نہ نکلنے کی صورت میں کملا ہیرس کے ہارنے کا خدشہ ظاہر کرتے ہوئے بل کلنٹن نے کہا کہ ڈونلڈ ٹرمپ ہارے تو ری پبلکنز کو نقصان نہیں ہو گا جبکہ کملا ہاریں تو ڈیموکریٹس کو نقصان ہو گا۔
