اسلام آباد: پی ٹی آئی کے سینیٹر فیصل جاوید نے کہا کہ اقوام متحدہ کے اسلاموفوبیا کیخلاف دن منانے کے پیچھے بانی پی ٹی آئی کی جدوجہد ہے، یوم آزادی کے اشتہار میں قائداعظم کی تصویر شامل نہ کئے جانے کی وضاحت دی جائے۔
سینیٹ اجلاس میں اظہار خیال کرتے ہوئے سینیٹر فیصل جاوید نے کہا کہ بانی پی ٹی آئی نے اقوام متحدہ میں ناموس رسالت کی آواز اٹھائی جس کے بعد اب اقوام متحدہ ب اسلامو فوبیا کے خلاف دن مناتا ہے۔
انہوں نے کہا کہ بانی پی ٹی آئی حقیقی آزادی کی بات کرتے ہیں، ملک قائد اعظم کی کاوشوں سے بنا مگر عوام کے ٹیکس پیئر سے بنے یوم آزادی کے اشتہار میں پورے ٹبر کی تصویر تھی، قائداعظم کی نہیں ،ہم ایوان میں قائداعظم کی تصویر لے کر آئے ہیں، حکومتی اقدام شرمناک ہے، ہمیں وضاحت چاہئے اشتہار سے قائداعظم کو کیوں نکالا گیا؟۔
