وفاقی وزیر رانا تنویر حسین نے کہا ہے کہ سابق لیفٹیننٹ جنرل فیض حمید بانی پی ٹی آئی کیلئے پلان بناتا تھا، عمران خان کے ہر جرم میں فیض حمید کا بہت رول تھا، دونوں ایک پیج پر تھے۔
شیخوپورہ میں میڈیا سے گفتگو کرتے ہوئے رانا تنویر نے کہا کہ فیض حمید کیساتھ جو بھی شریک جرم رہا قانون کے کٹہرے میں آئیگا، فیض حمید کے بعد 9 مئی کے واقعات کے بانی پی ٹی کیخلاف بھی کیس چلیں گے۔
عمران خان اور اسکی پارٹی کا کوئی مستقبل نہیں، بانی کی سیاست انڈیا اور یہودی ایجنڈے پر ہے، عمران خان کا مشن ہے کہ ملک اور اداروں کو کمزور و بدنام کیا جائے۔
