ملک بھر میں رواں سال کی آخری قومی انسداد پولیو مہم آج شروع ہو گی۔
15 سے 21 دسمبر تک جاری رہنے والی7 روزہ انسداد پولیو مہم میں ساڑھے 4 کروڑسے زائد بچوں کو پولیو سے بچائو کے قطرے پلائے جائینگے۔
نیشنل ایمرجنسی آپریشنز سینٹر کے مطابق کے مطابق پنجاب میں 2 کروڑ 30 لاکھ سے زائد، سندھ میں 1 کروڑ 6 لاکھ سے زائد، خیبرپختونخوا میں 72 لاکھ سے زائد، بلوچستان میں 26 لاکھ سے زائد، اسلام آباد میں 4 لاکھ 60 ہزار سے زائد، گلگت بلتستان میں 2 لاکھ 28 ہزار سے زائد اور آزاد کشمیر میں 7 لاکھ 60 ہزار سے زائد بچوں کو پولیو کے قطرے پلانے کا ہدف مقرر کیا گیا ہے جبکہ مہم میں مجموعی طورپر 4 لاکھ سے زائد مرد و خواتین پولیو ورکرز ذمہ داریاں انجام دیں گے۔
ذرائع کے مطابق رواں سال ملک بھر میں 30 پولیو کیس رپورٹ ہوئے ہیں، کوآرڈی نیٹر ای او سی بلوچستان نے کہا ہے کہ کوئٹہ، بارکھان اور چمن میں وائرس پایا گیا ہے۔
