اے این ایف نے 5 کارروائیوں میں 4 کروڑ 80 لاکھ روپے سے زائد مالیت کی 210 کلو منشیات برآمد کر کے 7ملزمان کو گرفتار کرلیا۔
ترجمان کے مطابق سبزی منڈی کراچی کے قریب ٹرک سے 60کلو چرس اور 13کلو آئس برآمد کر کے 2ملزمان کو گرفتارکیا گیا، اسی طرح برکی روڑ لاہور کے قریب موٹر سائیکل سوار 3ملزمان سے 2.400کلو چرس اور 1کلو ہیروئن برآمد کی گئی۔
ترجمان کے مطابق سہراب گوٹھ کراچی میں 2 مسافروں کے قبضے سے 2 کلو ہیروئن اور 2 کلو آئس برآمد ہوئی، اس کے علاوہ تربت کے قریب گاڑی سے 104کلو آئس برآمد کی گئی، ہزار گنجی کوئٹہ کے قریب 26 کلو آئس برآمد ہوئی۔
ترجمان کے مطابق گرفتار ملزمان کیخلاف انسداد منشیات ایکٹ کے تحت مقدمات درج کر کے تحقیقات شروع کردی گئی ہیں۔
