فرانس میں پیدا ہونے والا پہلا دیوقامت پانڈا ’یوآن منگ‘ سال 2023 میں چین واپس آنے کے دو سال بعد اپنے شہر سیچھوان میں مقامی شہرت حاصل کر چکا ہے۔
یوآن منگ کی کہانی چین اور فرانس کے تعلقات سے گہرا تعلق رکھتی ہے۔ اس کے والدین، ہوان ہوان اور یوآن زائی سال 2012 میں پانڈا کے تحفظ اور تعاون کے پروگرام کے تحت چھنگدو سے فرانس کے بیوووال چڑیا گھر بھیجے گئے تھے۔
فرانس میں پانڈا جوڑے کی آمد کے بعد سال 2024 میں چڑیا گھر کے آنے والے مہمانوں کی سالانہ تعداد 6 لاکھ سے بڑھ کر 20 لاکھ ہو گئی تھی۔
چین اور فرانس کے درمیان پانڈا کا تعلق سال 1869 میں اس وقت شروع ہوا جب فرانسیسی کیتھولک پادری، زوالوجسٹ اور نباتات شناس پیئر آرمانڈ ڈیویڈ نے سیچھوان میں اس جانور کی ابتدائی دریافت کی جسے بعد میں دیوقامت پانڈا کے طور پر شناخت کیا گیا۔
دیوقامت پانڈا نے سالہا سال سے ’’سفیر‘‘ کا کردار ادا کیا اور چین اور فرانس کے درمیان دوستانہ تعلقات کا پل قائم کیا۔
ساؤنڈ بائٹ 1 (فرانسیسی): روڈولف ڈی لارڈ، ڈائریکٹر، بیوووال چڑیا گھر، فرانس
’’میں چھنگدو میں دیوقامت پانڈا بریڈنگ کے تحقیقی مرکز میں اکثر جاتا ہوں تاکہ وہاں پانڈاز کو دیکھوں۔ میں نے وہاں کے فیلڈ پروگرامز بھی دیکھے جہاں پانڈاز کو دوبارہ قدرتی ماحول میں چھوڑنے اور ان کے تحفظ کی کوششیں کی جاتی ہیں۔ میرے خیال میں یہ قابلِ تقلید مثال ہے کہ چھنگدو نے اپنی روایات کو محفوظ رکھتے ہوئے اقتصادی، سیاحتی اور ثقافتی ترقی بھی حاصل کی ہے۔‘‘
سال 2024 میں چین کے جنگلاتی حکام اور فرانس کے بایوڈائیورسٹی آفس نے دیوقامت پانڈا نیشنل پارک اور فرانس کے پیرینیز نیشنل پارک کے درمیان شراکت داری قائم کرنے پر اتفاق کیا جس میں حیاتیاتی تنوع کی نگرانی، انواع کے تحفظ، سائنسی آگاہی اور تعلیم اور عملے کی تربیت پر خاص توجہ مرکوز کی جائے گی۔
سال 2025 میں چین اور فرانس کے درمیان 61 سالہ سفارتی تعلقات کی تقریب منائی جا رہی ہے جبکہ پانڈا سفیر اب بھی کرہ ارض کے تحفظ کے لئے دونوں ممالک کے مشترکہ عزم اور اجتماعی فلاح و بہبود کے فروغ کی علامت بنے ہوئے ہیں۔
ساؤنڈ بائٹ 2 (چینی): لی ڈیشینگ، چیف ایکسپرٹ، جائنٹ پانڈا کنزرویشن ریسرچ سینٹر، چین
’’1990 کی دہائی سے چین نے دیوقامت پانڈاز کے حوالے سے بین الاقوامی تعاون کا آغاز کیا جس میں پرورش، قید میں افزائش، بیماریوں کی روک تھام اور کنٹرول اور جنگلی ماحول میں تربیت اور دوبارہ رہائش شامل ہیں۔ دیوقامت پانڈا نیشنل پارک کا باضابطہ قیام (سال 2021 میں) ایک نئے مرحلے کی نمائندگی کرتا ہے، جس کے ذریعے ہم توقع رکھتے ہیں کہ بین الاقوامی تعاون کے ذریعے مختلف شعبوں میں متعلقہ تبادلے مزید فروغ پائیں گے۔‘‘
چھنگدو، چین سے شِنہوا نیوز ایجنسی کے نمائندوں کی رپورٹ
۔۔۔۔۔۔۔۔۔۔۔۔۔۔۔۔۔
ٹیکسٹ آن سکرین:
فرانس میں پیدا ہونے والا پہلا دیوقامت پانڈا یوآن منگ واپس چین آ گیا
یوآن منگ نے سیچھوان میں مقامی شہرت حاصل کر لی ہے
اس کے والدین سال 2012 میں چھنگدو سے فرانس بھیجے گئے تھے
فرانس میں پانڈا جوڑے کی آمد کے بعد چڑیا گھر کے مہمانوں کی تعداد بڑھ گئی
چین اور فرانس کے درمیان پانڈا تعلقات 1869 میں شروع ہوئے
دیوقامت پانڈا نے دونوں ملکوں میں دوستی اور تعاون کا پل قائم کیا
یوآن منگ چین اور فرانس کے دوستانہ تعلقات کا سفیر ہے
سال 2024 میں چین اور فرانس نے نیشنل پارکس میں شراکت داری کی
یہ تعاون حیاتیاتی تنوع اور انواع کے تحفظ پر مرکوز ہے
پانڈا سفیر دونوں ممالک کے مشترکہ ماحولیاتی عزم کی علامت ہیں
