اسلام آباد: ایف آئی اے امیگریشن نے 8 سال سے مطلوب انسانی سمگلر کو ملک پہنچتے ہی گرفتار کرلیا۔تفصیلات کے مطابق ایف آئی اے امیگریشن نے اسلام آباد ایئرپورٹ پر کارروائی کرتے ہوئے 8 سال سے مطلوب انسانی سمگلر گرفتار کرلیا۔
حکام کے مطابق گجرات سے تعلق رکھنے والا ملزم یاسر شاہد ایف آئی اے لاہور زون کو انسانی سمگلنگ اور ویزا فراڈ مقدمے میں مطلوب تھا،ملزم کیخلاف 2016ء میں اینٹی ہیومن ٹریفکنگ سرکل لاہور نے مقدمہ درج کیا تھا۔حکام کے مطابق بیرون ملک فرار ملزم فلائٹ نمبر EK612 کے ذریعے دبئی سے پاکستان پہنچا تھا جس کا نام سٹاپ لسٹ میں شامل تھا،ایف آئی اے امیگریشن نے کارروائی کرتے ہوئے ملزم کو گرفتار کرلیا جسے اب ایف آئی اے لاہور زون کے حوالے کیا جائے گا۔
