اللہ کی خاص رحمت کا نزول، گزشتہ روز مدینہ منورہ اور اسکے ملحقہ علاقوں میں کالی گھٹائوں نے ڈیرے ڈالے اور گرج چمک کیساتھ خوب جم کر بارش برسی۔
مسجد نبوی شریف میں بھی باران رحمت خوب دھواں دھار ہوئی جس سے روضہ اطہر اور گنبد خضریٰ پر بارش کے قطرے برس کر روح پرور اور ایمان افروز مناظر پیش کر رہے تھے۔
بارش کے خوبصورت قطرے جب سبز گنبد پر گرے تو زائرین کی آنکھیں شکر الٰہی سے چمک اٹھیں۔
ہزاروں کی تعداد میں موجود زائرین نے سجدہ شکر بجا لایا اور اللہ تعالی کا خوب شکر ادا کیا کہ اس نے اپنے حبیب کے شہر کو ایک بار پھر اپنی رحمت سے نوازا۔
بارش کے بعد موسم خوشگوار ہو گیا تاہم درجہ حرارت میں واضح کمی بھی ریکارڈ کی گئی ہے جس سے سردی میں نمایاں اضافہ ہوا ہے۔
محکمہ موسمیات اور مقامی حکام نے مدینہ منورہ آنیوالے زائرین سے خصوصی اپیل کی ہے کہ وہ گرم کپڑے، جیکٹس اور دیگر ضروری لباس ضرور ساتھ رکھیں تاکہ اچانک سرد موسم سے محفوظ رہ سکیں۔
