امجد پرویز نے ایڈووکیٹ جنرل پنجاب کے عہدے کا چارج سنبھال لیا۔بدھ کو دفتر پہنچنے پر لا افسران و ملازمین نے ایڈووکیٹ جنرل امجد پرویز کو پھول پیش کئے،اس موقع پر میڈیا سے گفتگو کرتے ہوئے امجد پرویز نے کہا کہ اعتماد کرنے پرپنجاب حکومت کا مشکور ہوں، ادارے کی بہتری کیلئے اقدامات ،عدالتوں کی آئین اور قانون کے مطابق معاونت کروں گا۔ انہوں نے کہا کہ سابق ایڈووکیٹ جنرل خالد اسحاق ایک پروفیشنل وکیل تھے، مجھے بھی سب پروفیشنل وکیل کے طور پر ہی جانتے ہیں۔
