اسلام آباد: الیکشن کمیشن نے گوشوارے جمع نہ کروانے پر 26 سابق ارکان قومی و صوبائی اسمبلی کو انتخابات لڑنے کیلئے نااہل قرار دے دیا۔
الیکشن کمیشن کی جانب سے جاری بیان کے مطابق گوشوارے جمع نہ کروانے پر خرم دستگیر،محسن رانجھا،محمد علی،کمال الدین، ارسلان تاج،سید عمران علی شاہ،یار محمد رند سمیت 26 سابق ارکان قومی و صوبائی اسمبلی کو الیکشن کیلئے نا اہل قرار دیا گیا ہے۔
بیان کے مطابق قومی اسمبلی کے 11 سابق ارکان، سندھ اسمبلی کے 7 اور بلوچستان اسمبلی کے 8 ارکان نااہل قرارد یئے گئے ہیں، یہ اراکین سال 2022-23ء کے گوشوارے جمع کروانے تک کسی الیکشن میں حصہ نہیں لے سکیں گے۔
